Afg‘oniston va Janubiy Osiyo tadqiqotlari markazi katta ilmiy xodimi Hamza Boltayev “Moviy tinchlik” uchun barqaror mintaqaviy arxitektura yaratish: suv diplomatiyasi va mintaqaviy iqlim hamkorligi” mavzusidagi xalqaro vebinarda ma’ruzachi sifatida ishtirok etdi. Tadbir Mintaqaviy va xalqaro tadqiqotlar xalqaro instituti (IIRIS) tomonidan Pokiston va xalqaro munosabatlar markazi (COPAIR) bilan hamkorlikda tashkil etildi.

Vebinar O‘zbekiston, Singapur, Venesuela va Pokistonlik olimlar, siyosatchilar, diplomatlar va tadqiqotchilarni bir yerga jamlab, mintaqaviy suv muammolarini hal etish hamda iqlim o‘zgarishlariga chidamlilikni mustahkamlashda suv diplomatiyasining o‘rnini muhokama qilishga imkon berdi. Muhokamalar transchegaraviy suv havzalarini boshqarish, barqaror rivojlanish, mintaqaviy hamkorlik va tinchlikni mustahkamlash masalalariga qaratildi.

Hamza Boltayev o‘z nutqida suv xavfsizligiga oid hamkorlik yondashuvlarining ahamiyati, ayniqsa, umumiy suv resurslari siyosiy barqarorlik, iqtisodiy taraqqiyot va iqlimga moslashish bilan chambarchas bog‘liq bo‘lgan mintaqalardagi muhimligiga to‘xtalib o‘tdi. U suvga nafaqat raqobatning ehtimoliy manbai, balki muloqot, ishonchni mustahkamlash va mintaqaviy hamkorlik uchun maydon sifatida qarash lozimligini ta’kidladi.

Tadbirda suv bilan bog‘liq muammolarni hamkorlik uchun imkoniyatlarga aylantirishga qaratilgan konsepsiya sifatida “Moviy tinchlik”ning ahamiyati tobora ortib borayotgani qayd etildi. Ekspertlar almashinuvi va xalqaro muloqot orqali vebinar iqlim xavfsizligi, resurslarni barqaror boshqarish va mintaqaviy barqarorlik bo‘yicha kengroq muhokamalarga o‘z hissasini qo‘shdi.