30-iyun kuni IXTI Afg‘oniston va Janubiy Osiyo tadqiqotlari markazi katta ilmiy xodimi Hamza BoltayevIslomobodda Tadqiqot va xavfsizlik tahlili markazi tomonidan o‘tkazilgan “Pokiston–Afg‘oniston munosabatlari: Keyingi qadamlar qanday? O‘zgaruvchan mintaqaviy tartibda pragmatik siyosat yo‘llari sari” mavzusidagi davra suhbatida ishtirok etdi.

Ushbu yuqori darajadagi siyosiy muloqot Pokiston–Afg‘oniston munosabatlarining tarixiy rivojlanishi, 2021-yildan keyingi xavfsizlik muammolari, transchegaraviy jangarilik, savdo, harakatchanlik va mintaqaviy o‘zaro bog‘liqlik masalalarini o‘rganish uchun mintaqaviy ekspertlar va amaliyotchi mutaxassislarni bir joyga to‘pladi. Shuningdek, ishtirokchilar keskinlikni pasaytirish hamda ikki tomonlama hamkorlikning yanada barqaror shakllarini qo‘llab-quvvatlashda mintaqaviy va xalqaro kuchlarning rolini muhokama qildilar.

Munozaralar davomida Hamza Boltayev mintaqadagi zamonaviy dinamika hamda Pokiston va Afg‘oniston o‘rtasidagi munosabatlarni barqarorlashtirishga qaratilgan ehtimoliy pragmatik yondashuvlar yuzasidan fikr almashishda o‘z hissasini qo‘shdi. Siyosiy va xavfsizlik sohasidagi kelishmovchiliklar davom etayotganiga qaramasdan, muloqotni saqlab qolish, mintaqaviy muvofiqlashtirishni kuchaytirish va iqtisodiy hamkorlikni asrash masalalariga alohida e’tibor qaratildi.

Davra suhbati video-yozuvini shu yerda tomosha qiling