“Trend” agentligiga bergan intervyusida Azamat Seitov TRIPP (“Trampning xalqaro tinchlik va farovonlik uchun yo‘li”) tashabbusi O‘zbekiston uchun mamlakatning iqtisodiy ochiqlik va modernizatsiya strategiyasiga uzviy ravishda mos keladigan ko‘p bosqichli yangi imkoniyatlar platformasi bo‘lishi mumkinligini ta’kidladi. Uning aytishicha, loyiha O‘zbekistonning jahon dengizlariga to‘g‘ridan-to‘g‘ri chiqish imkoniyati yo‘qligi va transport yo‘nalishlarini diversifikatsiya qilishdan obyektiv manfaatdorligini inobatga olgan holda sifat jihatidan yangi tranzit-logistika istiqbollarini ochmoqda. Mutaxassisning ta’kidlashicha, Janubiy Kavkaz orqali G‘arb bozorlariga muqobil yo‘laklarni rivojlantirish an’anaviy yo‘nalishlarning cheklangan soniga qaramlikni kamaytirish, tashqi savdo barqarorligini mustahkamlash va logistika xarajatlarini qisqartirish imkonini beradi. Shu nuqtai nazardan, TRIPP O‘zbekistonni mintaqaviy transport-logistika markaziga aylantirish bo‘yicha milliy sa’y-harakatlarni to‘ldiradi, shuningdek, o‘zbek mahsulotlarining multimodal yo‘nalishlar orqali Yevropa va Yaqin Sharq bozorlariga yanada faol kirib borishi uchun sharoit yaratadi. Tashabbusning xalqaro miqyosi haqida so‘z yuritarkan, Azamat Seitov TRIPPning ilgari surilishini AQSH vitse-prezidenti Jey Di Vensning Ozarbayjonga tashrifi bilan bog‘ladi. Bu tashrif loyihani kengroq mintaqaviy kontekstda, shu jumladan Markaziy Osiyoda amalga oshirishda muhim bosqich hisoblanadi. U ta’kidlaganidek, AQSH TRIPPni Janubiy Kavkazning tinch va infratuzilmaviy integratsiyasining strategik elementi sifatida ko‘rmoqda, bu esa qo‘shni mintaqalarga bevosita ta’sir ko‘rsatish va O‘zbekistonning tranzit salohiyatini oshirishga qodir. “Trend” saytida o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

Hamza Boltayev “Kun.uz” axborot ahentligining “Geosiyosat” dasturida global siyosatdagi dolzarb voqealarni tahlil qildi. U Kolumbiya prezidenti Gustavo Petro va AQSh prezidenti Donald Tramp o‘rtasidagi avvalgi ziddiyatlarning Oq uyda muzokaralar orqali murosaga aylanganini qayd etdi, bu esa xalqaro diplomatiyada keskinlikdan keyin konstruktiv dialogga o‘tishning muhim signalidir. Shuningdek, dasturda Abu-Dabida olib borilgan yopiq muzokaralarning birinchi kunida erishilgan kelishuvlar, Rossiya va AQSh o‘rtasidagi yadroviy kelishuvni uzaytirish bo‘yicha muloqotning hanuz davom etayotgani muhokama qilindi. Mutaxassis tahliliga ko‘ra, Kolumbiya va AQSh liderlari uchrashuvi global xavfsizlik va diplomatik barqarorlikka ijobiy ta’sir ko‘rsatishi mumkin; bu esa ixtiloflarni hal qilishda pragmatik yondashuvning ustuvorligini ko‘rsatadi. Shuningdek, u Yaqin Sharqdagi muzokaralar hamda yadro siyosatidagi murakkab holatlarni kontekstga joylab, investorlar va siyosiy qarorlar qabul qiluvchilar uchun muhim signallarni aytib o‘tdi. Umuman olganda, Hamza Boltayevning chiqishi jahon siyosatidagi bugungi tendensiyalar – pos-ziddiyatli diplomatiya, mintaqaviy muzokaralar va yadroviy kelishuvlar atrofidagi murakkab jarayonlarni keng kontekstda yoritib berdi, tomoshabinlarga global geosiyosiy vaziyat haqidagi asosiy tahliliy nuqtalarni yetkazdi. * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

IXTI yetakchi ilmiy xodimi Hayotjon Ibragimov Ozarbayjonning “Trend” axborot agentligiga bergan intervyusida TRIPP (“Trampning xalqaro tinchlik va farovonlik yo‘li”) tashabbusi Markaziy Osiyo uchun investitsiya xatarlarini kamaytirishning muhim vositasiga aylanishi mumkinligini ta’kidladi. Uning aytishicha, ushbu loyihani nafaqat logistika yo‘nalishi, balki O‘rta koridor uchun o‘ziga xos “moliyaviy himoya” sifatida ham ko‘rib chiqish lozim. Chunki Amerika homiyligining o‘zi G‘arb sarmoyasi uchun kafolat vazifasini o‘taydi va mintaqadagi infratuzilma loyihalarini yanada jozibador hamda moliyalashtirish nuqtai nazaridan arzonroq qiladi. Ekspert, shuningdek, AQSH vitse-prezidenti Jay Di Vensning Bokuga tashrifi Vashingtonning Kaspiy mintaqasida bayon qilingan fikrlardan amaliy harakatlarga o‘tishi belgisi bo‘lganini ta’kidladi. Uning fikricha, AQShning Markaziy Osiyoga nisbatan siyosati negizida energetika va strategik ahamiyatga ega minerallar masalalari yotadi: Vashington Xitoyning nodir yer elementlari yetkazib berish zanjiridagi monopoliyasini zaiflashtirishga intilmoqda. O‘zbekiston esa o‘zining boy mis, uran va litiy zaxiralariga ega bo‘lgani bois, xomashyo eksporti o‘rniga Amerikaning ilg‘or qayta ishlash texnologiyalarini jalb etish imkoniyatiga ega bo‘lmoqda. Hayotjon Ibragimovning taxminiga ko‘ra, kelajakda hamkorlik "resurs pragmatizmi" atrofida rivojlanadi. Bu geologiya-qidiruv ishlariga sarmoyalarning o‘sishi va atom energetikasi sohasida Amerikaning kichik modulli reaktorlarini (SMR) joriy etishni o‘z ichiga olishi mumkin. “Trend” saytida o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

Hamza Boltayev “Kun.uz” axborot agentligining “Geosiyosat” ko‘rsatuvida bugungi xalqaro siyosatda Pokistonning o‘rni tobora muhimlashib borayotganini ta’kidladi. Uning fikricha, Pokiston musulmon dunyosida yadroviy salohiyatga ega bo‘lgan, harbiy-siyosiy ta’siri kuchli va strategik geografik joylashuvi bilan ajralib turadigan kam sonli davlatlardan biridir. Shu bois u nafaqat Janubiy Osiyo, balki kengroq geosiyosiy jarayonlarda ham muhim o‘yinchi sifatida ko‘riladi. Ekspert Prezident Shavkat Mirziyoyevning Islomobodga rasmiy tashrifi doirasida O‘zbekiston–Pokiston munosabatlari yangi siyosiy va iqtisodiy bosqichga ko‘tarilganini qayd etdi. Ushbu tashrif ikki tomonlama hamkorlikni aniq kelishuvlar bilan mustahkamlab, savdo, transport-logistika va mintaqaviy integratsiya yo‘nalishlarida yangi imkoniyatlar ochayotganini ko‘rsatdi. Ekspertning ta’kidlashicha, Pokiston bilan aloqalarning faollashuvi O‘zbekiston uchun ham Janubiy Osiyoga chiqish va muqobil iqtisodiy yo‘laklarni rivojlantirish nuqtai nazaridan strategik ahamiyatga ega. Shu bilan birga, dasturda Xitoydagi noodatiy jarayonlar, xususan harbiy rahbariyatdagi generallar almashuvi ham muhokama qilindi. Hamza Boltayev bunday o‘zgarishlar yopiq siyosiy tizimga ega davlatda turlicha talqin qilinayotganini, bu esa Pekinning ichki siyosiy muvozanati va tashqi strategik yo‘nalishlari borasida savollarni kuchaytirayotganini ta’kidladi. U bunday jarayonlar mintaqaviy xavfsizlik va kuchlar nisbatiga ham ta’sir ko‘rsatishi mumkinligini eslatib o‘tdi. * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

Strategik bog‘liqlik markazi rahbari Nargiza Umarova Daryo.uz nashrida e’lon qilingan tahliliy ko‘rsatuvda ishtirok etdi. Suhbat Eronning geosiyosiy va transport-logistika tizimidagi o‘rni masalasiga bag‘ishlandi. Muloqot davomida ekspert Eron bugungi kunda ham Yevropa va Osiyoni bog‘lovchi muhim chorraha bo‘lib qolayotganini ta’kidladi. Uning fikricha, sanksiyalar va siyosiy bosimlarga qaramay, Eronning strategik geografik joylashuvi uni “Sharq–G‘arb” va “Shimol–Janub” yo‘nalishlaridagi asosiy qit’alararo koridorlar markaziga aylantirib turibdi. Nargiza Umarova, shuningdek, Xitoyning Eronga bo‘lgan qiziqishlari, Turkiyaning mintaqaviy logistika jarayonlaridagi roli hamda Eronning O‘zbekiston uchun transport va tashqi iqtisodiy aloqalarni diversifikatsiya qilishdagi ahamiyatini tahlil qildi. Suhbatda mintaqaviy xavfsizlik masalalari va AQShning Tehronga nisbatan bosim o‘tkazish sabablari ham muhokama qilindi. * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

Hayotjon Ibragimov Qozog‘istonning “National Business Kazakhstan” axborot-tahliliy nashriga O‘zbekistonning uran sanoati va atom energetikasi istiqbollari bo‘yicha ekspert izohini taqdim etdi. Ekspert tomonidan O‘zbekiston tomonidan ilk bor ochiq e’lon qilingan uran qazib olish hajmlari va zaxiralari, yangi konlarni o‘zlashtirish hamda atom elektr stansiyasi qurilishi rejalari tahlil qilinadi. Ibragimov o‘z izohida O‘zbekiston Qozog‘iston bilan uran zaxiralari yoki qazib olish hajmlari bo‘yicha raqobatlashishni maqsad qilmaganini ta’kidladi. Uning fikricha, mamlakatning asosiy strategik vazifasi – barqaror ishlab chiqarish darajasini ta’minlash, jahonning yetakchi uran ishlab chiqaruvchilari qatoridan mustahkam o‘rin egallash va uzoq muddatli energetik xavfsizlikni kuchaytirishdan iborat. Shuningdek, ekspert atom yoqilg‘isi sikliga alohida e’tibor qaratib, mavjud texnologik va hamkorlik modellari doirasida xom uran eksport qilinishi, kelajakdagi AES uchun yoqilg‘ini boyitish va yig‘ish ishlari esa xorijda amalga oshirilishini qayd etdi. “National Business Kazakhstan” saytida o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.