Jahon iqtisodiyoti va diplomatiya universiteti qoshidagi Istiqbolli xalqaro tadqiqotlar instituti MUNIS PRIM granti mablag‘lari hisobidan moliyalashtiriladigan “Barqaror kelajak uchun institutsional salohiyatni shakllantirish: Markaziy Osiyo va undan tashqarida raqobatbardoshlikka erishish yo‘li” tashabbusi doirasida loyihalarni boshqarish bo‘yicha treningni ishlab chiqish va o‘tkazish uchun tajribali maslahatchi izlash maqsadida ochiq tanlov e’lon qiladi.

Ma’lumot uchun

2024-yil dekabr oyida IXTI “O‘zbekiston milliy innovatsion tizimini modernizatsiya qilish” (MUNIS) loyihasining 1.3-kichik komponenti doirasida 195 600 AQSH dollari miqdorida grant oldi. O‘zbekiston ilm-fanini 2030-yilgacha rivojlantirish konsepsiyasiga (O‘zbekiston Respublikasi Prezidentining 2020-yil 29-oktyabrdagi PF-6097-son Farmoni) muvofiq, ushbu grant davlat ilmiy-tadqiqot institutlarini institutsional jihatdan qayta shakllantirish, jumladan, tadqiqot infratuzilmasini modernizatsiya qilish, moliyalashtirish manbalarini diversifikatsiya qilish, shuningdek, boshqaruv va prognozlash imkoniyatlarini oshirishga yo‘naltirilgan.

Vazifaning maqsadi

Tanlov g‘olibi bo‘lgan maslahatchi tadqiqot loyihalarini rejalashtirish, amalga oshirish, monitoring qilish va hisobot berishni takomillashtirish maqsadida maxsus to‘rt kunlik kunduzgi treningni (2025-yil 20-iyun – 20-avgust) ishlab chiqish orqali IXTIning loyihalarni boshqarish salohiyatini mustahkamlaydi. Trening davomida tadqiqotchilar va ma’muriy xodimlar hamkorlikdagi va moliyalashtiriladigan loyihalarni o‘z vaqtida va sifatli amalga oshirishni ta’minlash uchun amaliy vositalar, uslublar va andozalar bilan tanishadilar.

Xizmatlar ko‘lami

• O‘quv dasturi va materiallarini ishlab chiqish: Loyihalarni boshlash, rejalashtirish, amalga oshirish, monitoring qilish va yakunlash bo‘yicha taqdimotlar, amaliy misollar, tarqatma materiallar va batafsil qo‘llanmalar tayyorlash.
• Treninglar o‘tkazish: Loyiha hayot siklini boshqarish, ishlarni taqsimlash tuzilmasi, jadvallar tuzish, byudjetlashtirish, xatarlarni kamaytirish, manfaatdor tomonlarni jalb qilish va hisobot berish bo‘yicha guruh mashqlari va rolli o‘yinlar bilan mustahkamlangan interaktiv mashg‘ulotlarni o‘tkazish.
• Andozalar va vositalar: Foydalanuvchilarga qulay andozalarni (loyiha takliflari, Gantt diagrammalari, xatar reestrlari, byudjet kuzatuvchilari) taqdim etish va ularni IXTI tadqiqotlari doirasida qo‘llash bo‘yicha yo‘riqnoma berish.

Natijalar va to‘lov

1. O‘quv dasturi va materiallar – shartnoma summasining 20 foizi
2. O‘quv mashg‘ulotlarini o‘tkazish – 30 foiz
3. Andozalar va vositalarni ishlab chiqish – 20 foiz
4. Yakuniy hisobot va bajarilgan ishlar dalolatnomasi – 30 foiz

Maslahatchi malakasi

• Loyihalarni boshqarish, biznes boshqaruvi yoki tegishli sohada ilg‘or ilmiy daraja
• Kamida 10 yillik kasbiy tajriba, afzallik akademik yoki notijorat tadqiqot loyihalariga beriladi
• Loyihalarni boshqarish bo‘yicha treninglarni ishlab chiqish va o‘tkazishda tasdiqlangan tajriba
• Loyihalarni boshqarishning xalqaro standartlari (masalan, PMBOK, PRINCE2) haqida bilimga ega bo‘lish
• Yaxshi rivojlangan fasilitatsiya, muloqot va shaxslararo munosabat ko‘nikmalari

Ariza berish tartibi

Nomzodlar quyidagi ma’lumotlarni 2025-yil 9-iyun kuni soat 23:59 (Toshkent vaqti bilan)gacha info@iais.uz elektron manzili orqali Shaxboz Axmedov nomiga yuborishlari lozim:

• Tarjimai hol (rezyume)
• Tegishli ish namunalari yoki tavsiyalar
• Taklif etilayotgan uslubiyot va ish rejasi loyihasi
• Moliyaviy taklif

Qo‘shimcha ma’lumot olish uchun veb-saytimizga tashrif buyuring yoki yuqoridagi elektron pochta manziliga murojaat qiling. Biz sizning arizalaringizni va IXTIning Markaziy Osiyo va undan tashqarida samarali tadqiqotlar o‘tkazish hamda siyosatchilar bilan hamkorlik qilish imkoniyatlarini kengaytirish istiqbollarini intizorlik bilan kutamiz.

BATAFSIL TEXNIK TOPSHIRIQ