Joriy yilning 10 may kuni “Toshkent irrigatsiya va qishloq xoʻjaligini mexanizatsiyalash muhandislari instituti” (TIQXMMI) milliy tadqiqot universitetida JIDU o‘quv ishlari bo‘yicha birinchi prorektori-IXTI direktori o‘rinbosari Akram Umarov va TIQXMMIning xalqaro hamkorlik bo‘yicha prorektori Abdulxakim Salohiddinov o‘rtasida uchrashuv bo‘lib o‘tdi. Uchrashivda IXTI Barqaror rivojlanish markazi rahbari Shaxboz Axmedov va IXTI yetakchi ilmiy xodimi Fazliddin Djamalovlar ham ishtirok etishdi. Suhbat chog‘ida A. Salohiddinov universitet tarixi haqida qisqacha ma’lumot, universitetning joriy tashabbuslari va ilmiy-tadqiqot salohiyati va xalqaro aloqalarni kengaytirish bo‘yicha istiqbolli rejalarni taqdim etdi. Xususan, tomonlar joriy yilning avgust oyida rejalashtirilgan suv diplomatiyasi masalalari bo‘yicha JIDU bilan hamkorlikda TIQXMMIda xalqaro seminar tashkil etish bo‘yicha amalga oshirilgan ishlar holati yuzasidan fikr almashdilar. 

Markaziy Osiyoda suvdan foydalanish va iqlim o‘zgarishi masalalarining dolzarbligini ta’kidlab, tomonlar suv va iqlim masalalari bo‘yicha fundamental va amaliy tadqiqotlar o‘tkazish uchun muvofiqlashtiruvchi platforma yaratishga tayyorligini tasdiqladilar. Shunday qilib, A. Salohiddinov JIDU va IXTIning suv resurslari sohasidagi yosh tadqiqotchilar uchun muzokaralar va diplomatik protokol bo‘yicha qisqa muddatli kurslarni tashkil etish imkoniyatlarini yuqori baholadi.

Xulosa qilib aytganda, tomonlar qo‘shma ta’lim dasturlari va ilmiy-tadqiqot loyihalarini boshlashga intilishlarini tasdiqladilar.