2024-yil 13-dekabr kuni Bishkekda Qirg‘iziston Respublikasi Prezidenti huzuridagi Milliy strategik tashabbuslar instituti rahbariyati va ekspertlari IXTI Antropologiya va konfliktologiya laboratoriyasi mudiri doktor Azamat Seitov bilan uchrashdi. Muhokamalarda Qirg‘iziston Respublikasi Din ishlari bo‘yicha davlat komissiyasining Diniy vaziyatni o‘rganish markazi mutaxassislari ham ishtirok etdi.

Tadbir davomida tomonlar sotsiologiya, antropologiya, konfliktologiya va identifikatsiya masalalarini o‘rganish kabi muhim yo‘nalishlarda hamkorlik istiqbollari yuzasidan fikr almashdilar. Uchrashuv ishtirokchilari ikki mamlakat ilmiy muassasalari o‘rtasidagi akademik va ekspert hamkorligini mustahkamlash ahamiyatini ta’kidlab, kelgusidagi hamkorlikka tayyorliklarini bildirdilar. Ilmiy muloqot va tajriba almashishni chuqurlashtirish maqsadida qo‘shma tadqiqotlarning asosiy yo‘nalishlari dastlabki kelishuvga erishildi.

Bir kun avval, 12-dekabr kuni, doktor Seitov Strategik tahlil va prognoz instituti direktori Aman Saliyev bilan uchrashdi. Suhbat chog‘ida O‘zbekiston va Qirg‘iziston o‘rtasidagi keng qamrovli strategik sheriklikning izchil rivojlanib borayotgani, shuningdek, ishonchli va yaxshi qo‘shnichilik munosabatlarining mustahkamlanib borayotgani qayd etildi. Tomonlar Markaziy Osiyoning zamonaviy rivojlanish tendensiyalariga alohida e’tibor qaratgan holda ikki tomonlama va mintaqaviy hamkorlik istiqbollarini muhokama qildilar.

Har ikkala uchrashuv ham konstruktiv va o‘zaro ishonch ruhida o‘tib, ilmiy-tadqiqot va ekspert hamkorligini chuqurlashtirish borasidagi o‘zaro intilishni namoyon etdi. Ishtirokchilar O‘zbekiston va Qirg‘iziston tadqiqot markazlari o‘rtasidagi hamkorlikni kengaytirish mintaqaning akademik salohiyatini rivojlantirish va ikki mamlakat o‘rtasidagi uzoq muddatli sheriklikni mustahkamlashga muhim hissa qo‘shishiga ishonch bildirdilar.