Joriy yilning 23 may kuni Jahon iqtisodiyoti va diplomatiya universitetida AQShning Toshkentdagi Elchixonasi siyosiy va iqtisodiy bo‘limi boshlig‘i Metyu Xabinovskining “ AQSh tashqi siyosatida O‘zbekistonning o‘rni”mavzusida JIDU talabalari bilan ochiq darsi bo‘lib o‘tdi. Tadbir ochilishida, fan va innovatsiyalar bo‘yicha prorektor Gulnoza Ismoilova O‘zbekiston va AQSh o‘rtasidagi ikki tomonlama munosabatlarning hozirgi dinamikasini to‘laqonli tushunish uchun shu kabi ochiq ma’ruzalar o‘tkazishning muhimligiga e’tibor qaratdi. O‘z navbatida, IXTI Amerikani o‘rganish markazi rahbari Ulugbek Ishanxodjayev mehmonga JIDUdagi Amerika tadqiqotlarining hozirgi holati va ilmiy-pedagogik bazani takomillashtirish bo‘yicha istiqbolli rejalar haqida ma’lumot berdi.

Ma’ruza davomida M. Xabinovski ikki tomonlama munosabatlarning rivojlanishini tarixi, shuningdek, AQShning Markaziy Osiyodagi strategiyasi to‘g‘risida talabalarni xabardor qildi. Xususan, mehmonning ta’kidlashicha, C5 + 1 platformasi AQShning mustaqil, barqaror va himoyalangan Markaziy Osiyo uchun mintaqaviy integratsiya jarayonlarini tezlashtirishga bo‘lgan qiziqishini tasdiqlaydi. AQSh Elchixonasi vakilining so‘zlariga ko‘ra, O‘zbekiston amaliy hamkorlikni kengaytirish maqsadida ikki mamlakat vakillarining tashriflarini faol almashishni asoslaydigan ushbu jarayonlarda lokomotiv bo‘lishi kerak.

Uchrashuvning ikkinchi yarmida talabalar amerikalik diplomatga AQSh qo‘shinlari Afg‘onistondan chiqib ketgandan so‘ng mintaqaviy xavfsizlikni ta’minlash, transport-logistika yo‘llari diversifikatsiyasi va energetika bilan bog‘liq turli savollarni berish imkoniyatiga ega bo‘ldilar. Shuningdek, M. Xabinovski AQSh Oliy o‘quv yurtlarida o‘qishni davom ettirish va almashinuv dasturlari bilan talabalarni xabardor qildi.

Uchrashuv yakunida mehmon ma’ruza tashkilotchilariga iqtidorli yoshlar bilan muloqot qilish imkoniyati uchun minnatdorchilik bildirdi va JIDU bilan akademik hamkorlikni mustahkamlashga qiziqish bildirdi.