Antropologiya va konfliktologiya laboratoriyasi mudiri, doktor Azamat Seitov Qirg‘izistonning Kabar.kg milliy axborot agentligiga Xitoy – Qirg‘iziston – O‘zbekiston temir yo‘li qurilishi bo‘yicha o‘z ekspertlik fikrini bildirdi. “Qisqa vaqt ichida texnik hujjatlarning tayyorlanishi yakunlandi, bu barcha tomonlarning manfaatdorligini ko‘rsatadi. Menimcha, qurilishning hozirgi boshlanishi Markaziy Osiyo mamlakatlarining yaqin va ko‘p qirrali hamkorligi rivojlanishining natijasidir. Bu muhim amaliy qadamlar ana shunday jarayonlarning yaqqol ifodasidir”, deya ta’kidladi doktor Seitov.
Uning fikricha, uzoq kutilgan loyihaning amalga oshirilishi yuk tashish hajmining ortishiga samarali xizmat ko‘rsatish, ularni tashish muddati va narxini sezilarli darajada kamaytirish imkonini beradi. Bundan tashqari, ekspert Qirg‘izistonning O‘zbekiston uchun muhim strategik hamkor, eng yaqin qo‘shni va vaqt sinovidan o‘tgan do‘st ekanligini alohida ta’kidladi. Shuningdek, tomonlar so‘nggi yillarda ikki tomonlama munosabatlarni butunlay yangi bosqichga ko‘tarishga erishdilar.
* Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.
