Saida Saidxonova – IXTI Umumiy bo‘limining HR yo‘nalishi bo‘yicha rahbari. Jahon iqtisodiyoti va diplomatiya universitetini “Xalqaro munosabatlar” mutaxassisligi bo‘yicha, shuningdek, “Amaliy siyosatshunoslik” yo‘nalishida magistraturani tamomlagan. O‘z kasbiy faoliyatini Jahon iqtisodiyoti va diplomatiya universitetida boshlagan va u yerda ko‘p yillar davomida bosh mutaxassis sifatida ishlab, o‘quv-tashkiliy boshqaruv, kadrlar bilan ishlash hamda ta’lim jarayonlarini yuritish sohalarida salmoqli tajriba orttirgan.

2024-yil boshidan buyon ixti Umumiy bo‘limining HR yo‘nalishiga rahbarlik qilib kelmoqda. U kadrlar siyosatini amalga oshirish, ichki ma’muriy jarayonlarni takomillashtirish va tashkilotning tarkibiy bo‘linmalari o‘rtasidagi samarali hamkorlikni ta’minlash uchun mas’uldir. Asosiy faoliyati bilan bir qatorda, doktorantura ishini ham muvofiqlashtiradi, yosh tadqiqotchilarning ilmiy salohiyatini rivojlantirishga va doktorantlar uchun ta’lim jarayonini tashkil etishga ko‘maklashadi.