Istiqbolli xalqaro tadqiqotlar instituti Rossiya Fanlar akademiyasining XZOI Markaziy Osiyo tadqiqotlari markazi bilan birgalikda barcha qiziquvchilarni 18-iyun kuni Toshkent vaqti bilan soat 11:30 da bo‘lib o‘tadigan “Jahon beqarorligi sharoitida Markaziy Osiyo: imkoniyatlar, muammolar va istiqbollar” mavzusidagi onlayn anjumanda ishtirok etishga taklif etadi. Tadbir global siyosiy va iqtisodiy o‘zgarishlar nuqtai nazaridan mintaqa rivojlanishining asosiy muammolari va yangi yo‘nalishlarini samarali muhokama qilish uchun maydon bo‘lib xizmat qiladi.
Anjuman davomida ikki tashkilotning yetakchi mutaxassislari ma’ruzalar taqdim etadilar. Ular Rossiyaning Markaziy Osiyo energetika sohasidagi rolini tahlil qilib, yaqin kelajakdagi asosiy rivojlanish nuqtalari va xatarlarni aniqlab beradilar. Shuningdek, Yevroosiyo makoni tajribasiga tayanib, mintaqa mamlakatlarida yoqilg‘i-energetika majmuasini rivojlantirish uchun muammoli sohalar va imkoniyatlarni ko‘rib chiqadilar.
Gumanitar sohadagi O‘zbekiston-Xitoy munosabatlarining hozirgi holati va istiqbollariga hamda O‘zbekistonda xitoyshunoslikning zamonaviy ahvoliga alohida e’tibor qaratiladi. Shundan so‘ng mutaxassislar AQSH va Rossiyaning Markaziy Osiyodagi tashqi siyosatini tahlil qilib, asosiy strategik ustuvorliklar va yangi geosiyosiy tendensiyalarga e’tibor beradilar.
Barcha qiziquvchi tadqiqotchilar, tahlilchilar va talabalarni munozaraga qo‘shilishga va jonli muloqot tarzida ma’ruzachilarga o‘zlarini qiziqtirgan savollarni berishga taklif etamiz.
Ishtirok etish uchun ZOOM to‘g‘ridan-to‘g‘ri havolasidan foydalaning:
https://us06web.zoom.us/j/82234634876?pwd=VNZwqRnPgh8lj0hmU3bfq4s7q4Ihpb.1
(Anjuman identifikatori: 822 3463 4876, kirish kodi: 558345)
