Odilbek Manabov — Istiqbolli xalqaro tadqiqotlar institutining (IXTI) Barqaror rivojlanish markazining ilmiy xodimi. Uning tadqiqot qiziqishlari barqaror rivojlanish, iqtisodiy o'sish, xalqaro munosabatlar, suv diplomatiyasi va suv resurslarini boshqarishga qaratilgan. Shuningdek, uning ishlari ta'lim, O'rta Sharq siyosati va lingvistika kabi interdisciplinar sohalarning o'zaro aloqalarini o'rganishga qaratilgan.

Hozirgi lavozimidan oldin, Manabov IXTIdagi Amerika tadqiqotlari markazida stajirovka oʻtagan va muhim tajriba orttirgan, u yerda AQShning O'rta Sharqdagi tashqi siyosatini, xususan, Isroil–Falastin mojarosi masalalarini chuqur o'rganishga e'tibor qaratgan. Avvalroq, Toshkent davlat iqtisodiyot universitetining Xalqaro hamkorlik boʼlimida uslubchi bo’lib akademik rivojlanishga hissa qo'shgan.

Manabov Xalqaro munosabatlar va Jahon siyosati bo‘yicha magistr darajasini Jahon iqtisodiyoti va diplomatiya universitetida tamomlagan. Manabov ingliz, rus va o'zbek tillarini mukammal biladi, nemis tilida o'rtacha darajada, tojik tilida esa boshlang'ich darajada bilimga ega. Manabov “Albukhary Foundation” Xalqaro stipendiyasini (Malayziya) qo‘lga kiritgan.