Nargiza Umarova “India Eurasia Research Forum” (IERF) platformasiga bergan intervyusida Markaziy va Janubiy Osiyo o‘rtasidagi o‘zaro bog‘liqlikning ayni paytdagi holatini tahlil qilib, mintaqaviy iqtisodiy integratsiyaga to‘siq bo‘layotgan infratuzilmaviy, logistik va geosiyosiy muammolarga e’tibor qaratdi. U O‘zbekistonning xalqaro transport yo‘nalishlarini diversifikatsiya qilish, jahon bozorlariga chiqish imkoniyatlarini kengaytirish va mintaqalararo savdo hamkorligini mustahkamlash borasidagi sa’y-harakatlari haqida so‘z yuritdi. Suhbatda Markaziy Osiyo va Janubiy Osiyo bozorlari o‘rtasida eng qisqa quruqlik yo‘lini yaratishi mumkin bo‘lgan Transafg‘on temir yo‘li loyihasining strategik ahamiyatiga alohida e’tibor qaratildi. Umarova mintaqaviy xavfsizlik tahdidlari, xususan, Afg‘oniston va Pokiston o‘rtasidagi keskinliklar ta’sirini, shuningdek, Xitoy, Rossiya, AQSH va Hindiston kabi yirik tashqi kuchlarning shakllanayotgan transport yo‘laklaridagi o‘rnini baholadi. Shuningdek, intervyuda O‘zbekistonning iqtisodiy o‘zaro bog‘liqlik, infratuzilmani rivojlantirish va diplomatik muloqot orqali mintaqaviy aloqalarni kengaytirishga qaratilgan yondashuvi yoritilib, Markaziy va Janubiy Osiyo o‘rtasidagi uzoq muddatli hamkorlikni mustahkamlashda barqaror transport tizimining o‘rni muhimligi ta’kidlandi. To‘liq matnni “India Eurasia Research Forum”da o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

Hayotjon Ibragimov “Xalq so‘zi” gazetasiga bergan intervyusida O‘zbekiston ichki bozorini avtomobil yoqilg‘isi bilan ta’minlash vaziyatiga izoh berdi. Ekspert benzin ishlab chiqarishga ta’sir qiluvchi asosiy omillarni, jumladan, mahalliy xomashyo bazasining cheklanganligi, neftni qayta ishlash korxonalarining gaz kondensati va import xomashyosiga qaramligi, shuningdek, yuqori oktanli yoqilg‘i ishlab chiqarishni ko‘paytirish uchun sohani texnologik modernizatsiya qilish zaruratini ta’kidlab o‘tdi. Tashqi ta’minotni diversifikatsiya qilish va mahalliy neftni qayta ishlash quvvatlaridan yanada samarali foydalanish masalalariga alohida e’tibor qaratildi. Ekspertning ta’kidlashicha, xomashyo importi nafaqat mamlakat ichida benzin ishlab chiqarish, balki dizel yoqilg‘isi, aviakerosin, bitum va boshqa neft-kimyo mahsulotlarini ishlab chiqarish hisobiga milliy iqtisodiyotda qo‘shilgan qiymatni saqlab qolish imkonini beradi. Hayotjon Ibragimov, shuningdek, bir martalik xaridlardan barqaror va bashorat qilinadigan ta’minot kanallariga o‘tish, yetkazib beruvchilar geografiyasini kengaytirish hamda neft zaxiralarini shakllantirish zarurligini qayd etdi. Ushbu chora-tadbirlar ta’minotdagi uzilishlar xavfini kamaytirish, neftni qayta ishlash zavodlarining yanada barqaror ishlashini ta’minlash va O‘zbekiston yoqilg‘i bozorining tashqi logistika hamda ishlab chiqarish cheklovlariga chidamliligini oshirish imkonini beradi. “Xalq so‘zi” gazetasida o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

Energetika diplomatiyasi va geosiyosat markazi yetakchi ilmiy xodimi Hayotjon Ibragimov «Diplomat» Universitetining Markaziy Osiyoda energetika xavfsizligi masalalariga bag‘ishlangan podkastining navbatdagi sonida ishtirok etdi. Suhbat chog‘ida mintaqa mamlakatlarining energetika salohiyati, energetika tizimlari barqarorligiga ta’sir etuvchi asosiy omillar, shuningdek, mintaqaviy hamkorlikni yanada rivojlantirish istiqbollari ko‘rib chiqildi. Energetika sohasidagi mavjud muammolarga hamda energiya resurslariga talab ortib borayotgan va energetika bozorlarining transformatsiyasi davom etayotgan bir sharoitda Markaziy Osiyo davlatlarining o‘zaro hamkorligini mustahkamlash imkoniyatlariga alohida e’tibor qaratildi. * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

IXTI Afg‘oniston va Janubiy Osiyo tadqiqotlari markazi yetakchi ilmiy xodimi Aziza Muxammedova “Novastan” nashriga bergan intervyusida Afg‘onistonni Markaziy va Janubiy Osiyo o‘rtasidagi to‘laqonli transport-iqtisodiy ko‘prikka aylantirish istiqbollarini tahlil qildi. Ekspert O‘zbekiston-Afg‘oniston savdosi sezilarli darajada o‘sganini, Termiz va Hayraton hududlarida infratuzilma rivojlanayotganini, shuningdek, Transafg‘on temir yo‘li loyihasi ilgari surilayotganini ta’kidladi. Suhbatda bo‘lajak transport yo‘laklarining iqtisodiy hayotiyligi, Afg‘oniston-Pokiston munosabatlari bilan bog‘liq xatarlar, temir yo‘l loyihalarini moliyalashtirish va Afg‘onistonni mintaqaviy qiymat zanjirlariga integratsiya qilish masalalariga alohida e’tibor qaratildi. Aziza Muxammedovaning fikricha, muvaffaqiyatning asosiy ko‘rsatkichi nafaqat tranzitning o‘sishi, balki yangi yo‘nalishlarning to‘g‘ridan-to‘g‘ri Afg‘oniston ichida ish o‘rinlari, investitsiyalar va iqtisodiy faollikni yaratish qobiliyati bo‘ladi. “Novastan” saytida o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; buyerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aksettirmaydi.

Hayotjon Ibragimov o‘z sharhida O‘zbekiston Prezidentining PF-177-sonli Farmoniga muvofiq xususiylashtirish bo‘yicha yangi chora-tadbirlarni tahlil qiladi. U yanada moslashuvchan to‘lov shartlari, takomillashtirilgan auksion mexanizmlari hamda kam foydalaniladigan davlat aktivlarini unumli iqtisodiy faoliyatga jalb qilish orqali xususiy investorlar uchun to‘siqlarni kamaytirishda ushbu chora-tadbirlarning rolini ta’kidlaydi. Asosiy faoliyatga xos bo‘lmagan aktivlarni xususiylashtirish yirik kompaniyalarga xarajatlarni optimallashtirish va resurslarni infratuzilmani modernizatsiya qilish, geologiya-qidiruv ishlari, burg‘ulash va raqamlashtirishga yo‘naltirish imkonini berishi mumkin bo‘lgan energetika sohasiga alohida e’tibor qaratilgan. Ibragimovning xulosasiga ko‘ra, islohot strategik ahamiyatga ega korxonalar ustidan davlat himoyasini saqlab qolgan holda xususiy sektor faolligini kuchaytirishi mumkin. O‘zbekiston Respublikasi Davlat aktivlarini boshqarish agentligi veb-saytida o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.

IXTI Osiyo-Tinch okeani tadqiqotlari markazi rahbari Abbos Boboxonov SHHT uchun to‘plangan siyosiy salohiyatdan aniq loyihalarni amalga oshirish va hamkorlikning samarali mexanizmlarini yaratishga o‘tish asosiy chaqiriqqa aylanib borayotganini ta’kidladi. Uning baholashicha, aynan tashkilotning qabul qilinayotgan qarorlardan amaliy natijani ta’minlay olish qobiliyati uning Markaziy Osiyo mamlakatlari uchun kelgusidagi ahamiyatini belgilab beradi. Shu nuqtayi nazardan, Qirg‘izistonda bo‘lib o‘tadigan navbatdagi SHHT sammiti tashkilotning o‘z tarkibini kengaytirishdan ko‘ra chuqurroq institutsional rivojlanishga o‘tishga tayyorligining ko‘rsatkichi bo‘lishi mumkin. Ekspertlar SHHTning kelgusidagi evolyutsiyasiga ta’sir ko‘rsatishi mumkin bo‘lgan asosiy omillar qatorida ichki islohotlarni, tashkilotning o‘z bankini yaratish istiqbollarini, shuningdek, Rossiya va Xitoy o‘rtasidagi o‘zaro hamkorlik xususiyatini ajratib ko‘rsatmoqdalar. Shu bilan birga, Markaziy Osiyo davlatlari uchun tashkilot doirasida o‘z subyektliligini mustahkamlash va mintaqaviy kun tartibini ilgari surish vazifasi saqlanib qolmoqda. “Deutsche Welle”’da o‘qing * Istiqbolli xalqaro tadqiqotlar instituti (IXTI) hech qanday masalada muassasaviy nuqtai nazarni bildirmaydi; bu yerda keltirilgan fikrlar faqatgina muallif yoki mualliflarga tegishli bo‘lib, ular IXTIning qarashlarini aks ettirmaydi.