Markaz rahbari
Doktor Abbos Boboxonov 2007-yilda Mirzo Ulug‘bek nomidagi O‘zbekiston Milliy universitetida bakalavr, 2009-yilda esa magistr darajasini olgan. 2010-2018-yillarda O‘zbekiston Respublikasi Prezidenti huzuridagi Strategik va mintaqalararo tadqiqotlar institutida ilmiy xodim, katta ilmiy xodim va bosh ilmiy xodim lavozimlarida faoliyat yuritgan. Keyinchalik, 2018-2020-yillarda O‘zbekiston Respublikasi Innovatsion rivojlanish vazirligida bo‘lim boshlig‘i vazifasini bajargan. 2021-2023-yillarda Jahon iqtisodiyoti va diplomatiya universitetida doktorant (PhD) bo‘lgan. Hozirda IXTI Osiyo-Tinch okeani mintaqasini o‘rganish markazi rahbari lavozimida ishlamoqda. 2024-yil avgustidan 2025-yil yanvarigacha Jorjiya shtati universitetida (Atlanta, AQSH) Fulbrayt dasturi bo‘yicha taklif etilgan stipendiat sifatida faoliyat olib borgan.
Doktor Boboxonovning ilmiy qiziqishlari doirasi Xitoyning Markaziy Osiyodagi zamonaviy tashqi siyosati, Shanxay hamkorlik tashkiloti (ShHT), Xitoyning “yumshoq kuch” tashabbusi, “Bir makon, bir yo‘l” loyihasi va Osiyo infratuzilmaviy investitsiyalar bankini (OIIB) qamrab oladi. U turli nufuzli mahalliy va xalqaro jurnallarda chop etilgan 15 dan ortiq ilmiy maqolalar muallifidir.
E-mail: abbos.bobokhonov@iais.uz
